Canon ֆոտոխցիկը լավագույններից մեկն է տվյալ ոլորտում: Այն ապահովում է չափազանց բարձր որակի պատկեր եւ թույլ է տալիս հայտնաբերել ցանցաթաղանթի, տեսողական նյարդի եւ անոթների նույնիսկ աննշան փոփոխությունները:

Ցանցաթաղանթի լուսանկարման տեխնոլոգիան հատկապես կարեւոր է ակնահատակի, ինչպես նաև առաջային հատվածի փոփոխությունները հայտնաբերելու և վերահսկելու համար:

Այս տեխնոլոգիայով մենք հաճախ հայտնաբերում ենք խնդիրներ, որոնք կարող էին չբացահայտվել, եթե օգտագործվեին հետազոտության առավել ավանդական մեթոդներ:

Այս նորագույն տեխնոլոգիան ապահովում է ցանցաթաղանթի վիճակի մշտական հսկողություն, այնպես որ անգամ փոքր փոփոխությունները կարող են հայտնաբերվել վաղօրոք:

Յուրաքանչյուր հիվանդի տվյալները պահվում են բազայում և աչքի վիճակը հեշտությամբ կարելի է համեմատել հաջորդ այցելությունների ընթացքում:

Փորձը ցույց է տալիս, որ հիվանդին վստահություն և պատասխանատվության զգացում է ներշնչում այն, որ ինքը կարողանոմ է հետևել իր ցանցաթաղանթի փոփոխություններին: Այդպիսով, բժշկին նույնպես հաջողվում է ավելի հեշտ և պատկերավոր բացատրել հիվանդին վերջինիս աչքի վիճակի փոփոխությունները:

Մենք խորհուրդ ենք տալիս այս ստուգումը մեր բոլոր հիվանդներին՝ իրենց տարեկան զննման ընթացքում, սակայն դա հատկապես կարեւոր է արյան բարձր ճնշում, շաքարախտ, առաջային հատվածի և ցանցաթաղանթի հիվանդություններ ունեցող մարդկանց համար:

Մեր ծառայությունների վերաբերյալ լրացուցիչ տեղեկատվության կամ հանդիպում նշանակելու համար խնդրում ենք կապվել մեր կենտրոնի հետ, որտեղ ուրախ կլինենք օգնել Ձեզ:

« վերադարձ